Franklin J. Schaffner

Franklin James Schaffner, conoixito por o suyo nombre artistico de Franklin J. Schaffner, estió un director cinematografico estausunidense, naixito de Tokio (Chapón) o 30 de mayo de 1920 y muerto en Santa Monica (California, Estaus Unius) o 2 de chulio de 1989. Recibió cuantos premios mientres a suya carrera cinematografica en o cine estausunidense. Entre a suya filmografía, cal destacar bellas cintas, como Planet of the Apes (1968, con Charlton Heston, Roddy McDowall, Kim Hunter, Maurice Evans, James Whitmore, James Daly y Linda Harrison), Patton (1970, con George C. Scott, Karl Malden, Michael Bates y Karl Michael Vogler), Nicholas and Alexandra (1971, con Michael Jayston y Janet Suzman), Papillon (1973, con Steve McQueen y Dustin Hoffman), u The Boys from Brazil (1978, con Gregory Peck, Laurence Olivier y James Mason).